سياسة الإستخدام العادل من شركات الانترنت فى مصر
10 أغسطس 2009 | الكاتب Fr3oon Daw | تصنيف منوعاتسياسة الإستخدام العادل من شركات الانترنت فى مصر
بعد تخفيض اسعار الانترنت من جميع الشركات تي اي داتا و - لينك دس اس ال أشعل الإنترنت من خلال المواقع الإجتماعية والمدونات والمنتديات شرارة البدء في إعلان ثورة، حيث دعت العديد من المواقع الاجتماعية والمنتديات على الانترنت، المصريين إلى مقاطعة خدمات الشبكة العنكبوتية يوم الاثنين 10 أغسطس الجاري، وذلك احتجاجاً على قرار من شأنه تحديد سرعة الاتصال بالشبكة الإلكترونية، تحت مسمى “سياسة التحميل العادل“، التي أعلنت عنها الحكومة المصرية وشركات الإنترنت مؤخراً.
وقد شهد موقع الفيس بوك الشهير، إطلاق العديد من المجموعات المناوئة لتلك الخطوة، اتفقت فيما بينها على دعوة رواد الموقع الاجتماعي لإلغاء اشتراكاتهم بالشركات المقدمة لخدمة الانترنت، في محاولة للضغط عليها لإثنائها عن هذا التوجه، الذي قُوبل بمعارضة شديدة بين مستخدمي الانترنت.
كما عبّر مشاركون في تلك المجموعات عن “استيائهم” إزاء هذه السياسة الجديدة التي بدأت تتبعها شركات الانترنت، التي وصفها البعض بأنها “أصبحت تكسب الملايين، ولا تنفق على خدماتها بشكل جيد”، مشيرين إلى أن هذه السياسة الجديدة، التي تأتي بتعليمات من الجهاز الحكومي لتنظيم الاتصالات، “من شأنها أن تعيد مصر إلى الوراء”.
ووفق هذه السياسة الجديدة، التي تقول شركات الانترنت إنها تهدف إلى توسيع دائرة الخدمة في مصر، فإن المشتركين بسرعة 512 كيلو بايت في الساعة، سيكون بإمكانهم تحميل “Download” مواد من الشبكة الإلكترونية بحد أقصى 25 جيجا بايت خلال شهر، بعدها يتم تخفيض السرعة إلى سرعة 128 كيلو بايت حتى انتهاء الشهر.
وأكدت مجموعة “ثورة ضد سياسة الاستخدام العادل للإنترنت في مصر” على الفيس بوك، إن المشتركين بسرعة 1024 كيلو بايت سيكون بوسعهم تحميل حتى 40 جيجا بايت شهرياً، بينما المشتركين بسرعة 2048 سيمكنهم تحميل حتى 60 جيجا بايت، والمشتركين بسرعة 4098 كيلو بايت، يستطيعون تحميل حتى 80 جيجا بايت.
وقد نقل موقع “أخبار مصر” بياناً لإحدى المجموعات المعارضة للخطوة، جاء فيه: “رداً علي ما تقوم به الشركات المزودة لخدمة الانترنت في مصر، وعلي ما تقوم به من تصعيد الأمور فيما يتعلق بسياسة الاستخدام العادل الظالمة، تقرر الآتي: إعلان الاثنين الموافق 10 أغسطس 2009 موعداً لثورة مستخدمي الإنترنت في مصر، في حالة عدم تراجع الشركات عن قراراها فيما يتعلق بسياسة الاستخدام العادل”.
وأكد الموقع التابع لإتحاد الإذاعة والتلفزيون، إن المعارضين يتخذون إتجاهاً عاماً لحملتهم ضد مزودي الخدمة بعنوان: “نحن ندفع مقابل الخدمة التي نحصل عليها، ولسنا عبيد إحسان هذه الشركات”.
مصر أكبر دولة أفريقية معرضة للفيروسات
 |
|||
وقد أعلنت شركة سيمانتيك كورب، المتخصصة عالمياً في مجال حلول إدارة النظم والتخزين والحماية، أن مصر تعد الدولة الأعلى من حيث إصابات الفيروسات المحتملة في منطقة أوربا والشرق الأوسط وإفريقيا بسبب النمو في عدد مشتركي الانترنت فائق السرعة الذي صاحبه نقص محتمل في الوعي الأمني في مجتمع مستخدمي الانترنت في مصر.
وأضافت الشركة خلال تقريرها السنوي عن تهديدات أمن الإنترنت أن نشاط الفيروسات يزيد بمعدل قياسي عاما بعد عام على مستوى العالم، مشيرة إلي أن مصر تعرضت منذ أبريل 2008 وحتي الآن لمزيد من الهجمات عبر الانترنت وارتفع ترتيبها العالمي في عدد هجمات الانترنت ثمانية مراكز من المركز الرابع والثلاثين ليصل إلى المركز السادس والعشرين هذا العام.
وقال جوني كرم المدير الإقليمي لشركة سيمانتيك “يرجع هذا التراجع الكبير لمصر في مواجهة الفيروسات إلى أن العديد من المصريين ما زالوا يستخدمون مقاهي الانترنت أو غيرها من أجهزة الكمبيوتر المشتركة أو العامة للاتصال بالانترنت، وفرصة تعرض أجهزة الكمبيوتر العامة التي يستخدمها عدد كبير من المشتركين في أغراض شتى لاحتمالات الهجوم أكبر من غيرها، وتوضح هذه المؤشرات زيادة في تعرض المصريين للهجمات الخبيثة، بما في ذلك هجمات الديدان والفيروسات”.
يذكر أن شركة سيمانتيك أنشأت واحدا من أكبر المصادر الشاملة للبيانات عن تهديدات الانترنت في العالم، ممثلا في شبكة التحليلات العالمية، التي ترصد بيانات التهديدات الإلكترونية في جميع أنحاء العالم، الأمر الذي يمنح محللي سيمانتيك مصادر لا مثيل لها من البيانات للتعرف على جوانب التهديدات وتحليلها وتقديم الحماية المطلوبة وإصدار التقارير والتعليقات العميقة للتهديدات الواعدة في الهجمات ونشاط الأكواد الخبيثة والفيروسات والمواقع المحتالة والبريد المزعج، حيث يراقب أكثر من 240 ألف مجس استشعار في أكثر من 240 دولة نشاط الفيروسات والهجمات الخبيثة من خلال مزيج منتجات وخدمات سيمانتيك بالإضافة إلى مصادر البيانات الخارجية الإضافية.
الإنترنت في مصر
 |
|||
كشفت إحصائيات حديثة للجهاز المركزى للتعبئة العامة والاحصاء أن عدد مستخدمي شبكة الانترنت في مصر بلغ 12 مليوناً.
وأشار الجهاز إلى أن عدد نوادى تكنولوجيا المعلومات بلغ حوالى 1776 ناديا وعدد مستخدمى الانترنت فى أندية تكنولوحيا المعلومات اسبوعيا بلغ 190016 مستخدما .
وأوضح أن نسبة الأندية التى تقدم خدمة الانترنت فى الحضر والريف بلغت 7ر21 % و 7 ر12 % على التوالى من اجمالى الأندية , وأن متوسط أعداد الزائرين في الحضر كانت 203 زائرين أسبوعياً, بينما بلغت فى الريف 173 زائراً اسبوعياً.
وأضاف أن عدد مقاهى الانترنت بلغ 4597 مقهى منها 95.78% تقدم خدمة الانترنت وبلغ اجمالى عدد المستخدمين اسبوعيا لمقاهى الإنترنت 804270 مستخدماً بمتوسط 175 مستخدماً لكل مقهى أسبوعياً.
أما على مستوى استخدام الأسر للانترنت, تبين أن نسبة الأسر المستخدمة للإنترنت بلغت 12 % من اجمالى الأسر المصرية, وأن 55 % من أفراد الأسرة المستخدمين للإنترنت يستخدمونه من المنزل, و 13 % من مقاهى الانترنت , و 14% من مقر أعمالهم , و18 % يستخدمون من أماكن أخرى .
وتبين أن نسبة الأسر التى تستخدم الانترنت فى مجال التعليم بلغت 52 % , و15 % من الأسر تتعامل مع الحكومة الالكترونية و 33 % يستخدمونها فى مجالات أخرى.
مصر الأرخص
 |
|||
وكانت دراسة دولية سابقة قد أجريت على 17 دولة عربية حول أسعار خدمة الانترنت الفائق السرعة (
ADSL) وجاءت موريتانيا هي الأغلى في الدول العربية ومصر لديها أرخص الأسعار.
وأشارت الدراسة التي أعدتها مجموعة المرشدين العرب ومقرها الأردن إلى أن تقنية ADSL لا تزال هي التقنية الرئيسية المستخدمة في خدمة الانترنت الفائق السرعة في العالم العربي.
ويزداد استخدام هذه التقنية في كثير من الدول العربية خصوصا مع تركيز مزودي الخدمة على تحفيز استخدام ADSL.
10 أغسطس 2009 في الساعة 7:50 م
مينفعش كدا ياحكومة مش كفاية الى فينا ناقصة النت كمان
10 أغسطس 2009 في الساعة 7:52 م
ما الذى يحدث هل نحن نتقدم ام نرجع الى الوراء !!!!!!!!!!!!
10 أغسطس 2009 في الساعة 9:55 م
يا رجاله احنا له دايما مش بنفكر
ده قرار وزاري مش من شركات الانترنت
وبعدين احنا نسينا ان الشركات ده لسا رفعا السرعات وبنفس السعر
صح ؟؟؟؟؟؟
يا جماعة هيئة تنظيم الأتصالات عاملين كد علشان بعد مرخصو النت لسه فيه شبكات غيرشرعيه و مأثرة على سرعة النت عند الناس المشتركة لوحدها
10 أغسطس 2009 في الساعة 11:44 م
اهلا وسهلا يا “ahmedsmith”
انا معاك فى الكلام ده
بس تيجي نبص على حاجه اخدت بالى منها
ان دلوقتى تتصل بمعظم السنترال و من ضمنهم سنترالات مهمة وهى المهندسين والدقى والهرم وانا فى سنترال منهم يقولك ان مفيش اماكن فاضيه للنت
ده معناه ان مفيش بورتات لخطوط جديده
تخيل لما بقى يكون فى 8 فى خط واحد وكل واحد منهم يركب خط ؟؟؟
اصلاً ملهومش مكاااااااااااااااان
لو يتطوروا الخدمه ماشى لكن هما عاوزين يكسبوا من غير ما يطوروا وده اللى محدش هيسكت عليه
11 أغسطس 2009 في الساعة 12:31 ص
يا جدعاااااااان ارحمونا بقى دة النت دة الحاجة الوحيدة الى معيشانا الوقتى هيا ناقصة بطالة وقلة نت
11 أغسطس 2009 في الساعة 1:27 ص
ماالذى تعرفونة ان شخص حاصل على بكالوريوس تجارة متخرج من 8سنوات ولا يوجد له مصدر دخل ومتزوج ويعول اطفال ومصدرة الوحيد للدخل هو عمل وصلات الانترنت وانقطع مصدر دخلة هل هذه هى مصر ياسلام يابلد لما
يعنى انا مش بدور على النت نفسة انا بدور على مصدر دخلى فى هذه الحالة الافضل للبلد اعدام الاشخاص اللى فى حالتنا
عشان حتى لو سجنوة هيعيش حتى فى السجن يفكر فى الاطفال اللى عندة يبقى اعدامة افضل
11 أغسطس 2009 في الساعة 1:48 ص
عيب اوى كده ازى ممكن نكون دوله متقدمه وحكمتنا عيزانا متخلفين او ميتان نفسنه نواكب التتور الموجود فى العالم وبعد كده بنقول ليه العبقره بيسفره باره بسباب التخلف الموجود فى مصر عيب اوى كده ادفع 500 جنيه ويبق زى زى الى بيدفع 95 لا وممكن يكو هو السرعه عندو احسن منى ؟ يا حكومه عيب احنا مبنطلبش ريف عيش ولا تنزل اسعار الاكل والشرب احنا بنطلب خدمه بفلسنه وبس ؟؟؟
11 أغسطس 2009 في الساعة 10:12 ص
حسبى الله ونعم الوكيل
11 أغسطس 2009 في الساعة 7:16 م
السلام عليكم جميعاً
أولاً من وجهة نظرى أن الحكومة صح الحكومة ياجماعة دلوقتى ضعفت السرعة لكل الناس بنفس الثمن ده شئ رائع لكن موضوع الوصلات والتحميل كان امر مهم لانه اصلاً لوانا صاحب نت كافيه وبطلع وصلات أنا اللى بخسر من كتر التحميل من الناس كمان أكثر المشاكل احنا اللى بنشتكى منها بسبب التحميل على حساب الشركة . ياجماعة انتوا نسيتوا نفسكم القانون ده هيخلى كل واحد يحمل ويفتح النت بكل سرعة بس فى حدود الصح جربوا شهر وهتعرفوا ان الحكومة حمتكوا من حاجات كتير بسبب الوصلات حتى من زيادة السرعة بنفس الثمن بردوا الناس لسه بتاخد وصلات . وشكراً
11 أغسطس 2009 في الساعة 7:33 م
انا فاتح سيبر وكل الالعاب اون لايت ققفل ولة اعمل اية
11 أغسطس 2009 في الساعة 7:35 م
مش زنبى ان الشركة مش عارفة تتحكم فى الوصلاات الغير شرعية انا بدفع قلوس مقابل خدمة مش بشحت من حد الى بيحصل دة لية رد واحد يبثا انتا اكيد فى مصر
11 أغسطس 2009 في الساعة 9:27 م
والله الناس دول حكايتهم غريبة ومش عارفين نبكى والا نضحك لاننا للاسف معرفناش طعم الضحك من 1/11/1980(كان يوم اسود ما طلعتلوش شمس) وفضلنا رابطين الحزام لحد ما جالنا جزام وابو قرش بقى جنيه وسلم لى على الفساد يا بيه … طب ما شركات النت عارفة ان كل واحد بياخد سرعة بيتشارك فيها مع جيرانه بل والادهى انهم قديما محددين مسبقا عدد الاجهزة المشاركة مثال السرعة 512 من 2-4 وبحد اقصى 8اجهزة والسرعة 1024 من 4-8 وبحد اقصى 12 جهاز… وبعدين مين يقدر يسدد اشتراك خط بمفرده اليومين دول … دى جمعية نتاوية مش وصلات غير شرعية لان بصراحة لو واحد هنج وقال طالع بتتفشكل الليلة وبيتلغى الخط او يتكنسل مؤقتا والكل عارف كده …اما كونهم يكتشفوا الشبكات دى وحريصين جدا على العملاء الشرعيين ويتفزلكوا فى سياسة الاستهبال العادم دى فده من شأنه انهم بيحددوا لكل مشترك ساعة يوميا على النت توفيرا لاستهلاك الكهرباء وحرصا على سلامة الكمبيوتر وبصراحة قرار منتهى الراحة بلا داونلود بلا دياولو وخلى الناس عميان ومفيش مانع للحشيش والبانجو طالما حيخليهم توهان ومش دريانين بالجاى … يعنى مش جديد اللى بيحصل طالما بيؤدى لغرض سياسى و هو الهاء الناس عن مصائب قادمة (الاستعداد للتعريص )ودى اكبر مصيبة بحد ذاتها …وعلى رأى سيدنا احمد فؤاد نجم
هتقبل ها حبك.. هترفض هلبـّك هتطلع هتنزل هاجيبلك جمال
وسلام مربع للمملكة العائلية المباركية
ورحمة الله على جمهورية مصر العربية
12 أغسطس 2009 في الساعة 6:20 ص
للأسف الشديد نحن نتازل كل يوم عن حق من حقوقنا
تخيلوا لو أن الجميع وقف وقفة رجل واحد وطالبوا إلغاء اشتراك النت فور صدور هذا القرار
ماذا يمكن أن يحدث لهذه الشركات ؟؟؟
إنه الإفلاس السريع جداً وإلا ستتنازل عن تنفيذ هذا القرار
ولا أعتقد أننا سنموت إذا توقفنا عن استخدام النت لمدة اسبوع وهو أقصى ما يمكن أن تتحمله شركات النت
أدعو الجميع للمشاركة في هذا القرار
12 أغسطس 2009 في الساعة 9:47 ص
حررررررررررررررررررررررررررررررررام عليكوا بئي
12 أغسطس 2009 في الساعة 9:49 ص
بص أنت أو أنتي مش هتقدروا تعملوا حاجه بالكلام المفروض اللي موصل من عند شركة تي إي ديتا أو شركة لينك دي إس إل يشيل النت من عندهم و إذا كان عايز نت يوصل من إتصالات دي إس إل و ده لكل الناس لأن في حد هيقول خليني معاه لا شارك مع الناس قد تكون أنت هتقدر تدفع الأشتراك لكن غيرك ميعرفوش وبعدين فيها إيه إذا شاركت في الحمله صدقني أو صدقيني أنت واحد في واحد واحد يشوفك يقلدك بقو أتنين يا تشتغل يا تسكت صدقني
12 أغسطس 2009 في الساعة 12:28 م
السلام عليكم
خلاص الحكومة حلت كل المشاكل يعني وبقت فاضيه انها تتحكم في الانترنت ولا هي بتحب تتحكم في كل حاجة وخلاص سواء صح او خطأ وخلاص الحكومة عملت الدخل العادل والنظافة العادلة والتوظيف العادل والتعليم العادل والعيش العادل والمسكن العادل و…………. العادل وكل شئ بقي عادل ومش باقي غير الانترنت يبقي فيه الاستخدام العادل علشان كل حاجة تبقي عادلة ويسود العدل والرخاء
ياريت الحكومة تفكر في مشاكل الشعب الاول ولما تتحل تبقي تعمل اللي هي عايزاهوفي النهاية ياريت الحكومة تفكر شوية اكتر قبل ما تاخذ اي قرار
وسلام
12 أغسطس 2009 في الساعة 6:10 م
مش معقولة عمرنا ما هنبقى دولة متقدمة ولة متحضرة بسبب التخلف دة
عمرنا ما سمعنا عن دول من دول اوربا عملت محدود بلعكس دى اسهل حاجة عندهم النت و الكومبيوتر عشان عايزين الناس تبقى متعلمة
مش احنا كل حاجة بنصعبها وعايزين الشعب يفضل جاهل ميعرفش اية اللى بيحصل
13 أغسطس 2009 في الساعة 4:56 ص
بصراحة يا جماعة الواحد مضايق لدرجة الخنقه…… مش عارف يقول إيه بظبط …. الحكومة دي سبحان الله (الحكومة=وزارة الإتصالات) يخلوا الشركات تزود السرعات بنفس السعر …متشكرين قوي … وبعديها ما فيش كام يوم ويطلعوا قرار “سياسةالإستخدام الظالم ” ….. بذمتكم دا كلام يرضي ربنا… يعني اللي يدوا باليمين يخدوا بالشمال … سبحان الله .. والله الوزارة بتعاملنا زي ما جماعة بلديتنا بخيل قوي بيعملوا أولادهم … هقولكم إزاي : ساعة العشا يجي أبوالعيال ويقولهم: تتعشوا ولا كل واحد ياخد بريزه(10 قروش)ويخش ينام… يقول العيل لا أخد بريزه… وياخد البريزه ويخش ينام … يجي الصبح على الفطار يقولهم: اللي عايز يفطر يدفع بريزه … طبعا العيل بيحب الفلوس فما مش هيدفع البريزه وبكده برضه مش هيفطر …. يبقى عمنا عمل إيه!!!! وفر العشاء والفطار ببريزه … وبرضه هياخدها منهم على الغدا …. والحدق يفهم !!!!
13 أغسطس 2009 في الساعة 10:53 ص
بدل منلغى اشتراك فى يوم معين اللى بدوره حيخلى النت اسرع لا اعكسوها يا جدعااااان يوم واحد كله يهرىىى داونلود و اتمنى ان يحصل اوفر لوود للشبكة كلها و يحصل مشكلة بعدين نلغى اشتراكات. واضح ان البلد بتروش علينا
13 أغسطس 2009 في الساعة 4:56 م
طيب كدةحرام مش كفاية اللى انتو عاملينو فى البلد حسبى الله ونعم الوكيل
15 أغسطس 2009 في الساعة 11:23 ص
انتوحكومة بجد عايزة اذاالناس مش اكتر حرام عليكياوزير ارحمنا وربنا يهديك
15 أغسطس 2009 في الساعة 11:23 ص
سيبونانعيش
16 أغسطس 2009 في الساعة 4:40 م
بعد اما لحكومة رفعت شعار “خلى الشعب ينبسط” رجعو تانى لشعارهم ” مادام فى ايدينا نقرفهم ليه نريحهم “
18 أغسطس 2009 في الساعة 9:24 ص
جماعة انا من الناس اللى بيعملو وصلات نت..بصراحة انا مبحترمش الوصلات والا اللى بيشتغلوها هخى فى نظر الناس شغلانة “الصيع” بس انا مضطر اشتغلها اعرف كويس فى النت وورك و بحاول معدش من غير شغل او بحاول اشتغل الحاجة اللى افهم فيها, و مش هتصدقونى لو قلتلكم انى بقدم للعملا بتوعى احسن خدمة 2 ميجا على 10مشتركين فى كل شبكة بكسب قليل اة بس ببقى مطمن ان ميحصلش مشاكل بطأ سرعة..و مع انى فى المهنة دى من زمان و متابع الاسعار الا انى اتفاجأت بالحكاية دى بالصدفة و من يومين بس انا مش عارف ليه بيحاربو بتوع الوصلات..يعنى نسرق والا نشحت والا نعيش عالا ع المجتمع من غير شغل
18 أغسطس 2009 في الساعة 9:29 ص
سؤال كمان ..سياسة استخدام عادل يعنى ايه ؟؟ ممكن نقول كدة ع الماية او الكهرباء او اى مورد من الموارد اللى استهلاكها كتير بيأثر على كل الناس.. انما الانترنت ازاى !!!! يمكن انا مش فاهم بس هو انا لما اعمل داون لود الناس التانية اللى مش معايا على نفس الخط او نفس المنطقة هتتأثر ؟؟؟؟ او لما اعمل داون لود النت هيخلص .. الشعار نفسه “سياسة الاستخدام العادل للانترنت غريب” كأننا بنتكلم عن حاجة مادية انزل فيلم يبقى الناس التانية مش هتلاقيه
19 أغسطس 2009 في الساعة 2:21 ص
بالعكس .. دلوقتى احنا كمشتركين قدام قادرين نحمل زى ما احنا عايزين .. ايه رايكم .. ان انا واصحابى عاملين حركه سميناها حركة داونلوود بدون حدود .. وقررنا نقعد ليل ونها نحمل على قد مانقدر مجرد عند بس مش اكتر .. لو فيكم حد يحب ينضم ايميلى هوا farfeshboss@yahoo.com
23 أكتوبر 2009 في الساعة 6:14 م
انااااا مع كل الاشخاص ال ردوووووو علي موضوع سياسة الانتر نت دي لا دي مش سياسة دي اسمة سياسة الاحباط لكل المصرين ال بستخدمو الانتر نت لان اغلب الناس النت هنا هو الدخل الوحيد لهم انا مهندس كمبيوتر صيانة وكل شئ يخص الكمبيوتر بشتغل فية بس للاسف الوحيد ال بيساعد الواحد هو توصيل الانتر نت وفتح مقاهي الانتر نت بعد كد لم تستخدمو السياسة دينشتغل في ايه نسرق بقي علي الاقل النت شاغل كتير من الشباب بعيد عن الادمان والمخدارات والقرف ال احنا فية مش كفاية النت مش زي الاول بعد قطع الكبل عوزين ايه تاني شركة الشبكات مش بتكسب قليل لا بتكسب كتير اوي من الاخر مفيش داعي لاستخدام السياس دي
23 أكتوبر 2009 في الساعة 9:47 م
على فاكرة يا جماعه فى بعض الشركات مش ispبمعنى انها هى موزع لشركات اخرى منها (im)او انترنت مصر هى بتقول انها شركة و على فاكرة هى عباره عن موزع فاشل بجميع المقايس
ولو مش مصدقنى قبل الاشتراك اتصل بالدعم الفنى قبل ما تشترك و شوف الى بيرد عليك و قاله انتوا شركة ولا موزع هيقلك شركة و لو انتى الخط بتاعت عليه انترنت قبل كادة هيعمالوا معاك العقد و شوف مين الى هيسئل فيك تانى
اوى الشركة دة فاشله بجد يا جماعة